منتديات تدلل ياقلبي

وناسه - حوار - قصص وروايات - شعر- خواطر- فرفشه وضحك - الازياء والمكياج - نقاش- صور- اسلاميات - الصحه - والرياضه وكل مايخطر في بالك..


    قصيدة كتبها واحد متعقد من المكياج

    شاطر
    avatar
    ذوق ونظرتي فوق
    مشرفة قسم صحتك تهمنا~
    مشرفة قسم صحتك تهمنا~

    عدد المساهمات : 141
    تاريخ التسجيل : 25/05/2010
    العمر : 23

    قصيدة كتبها واحد متعقد من المكياج

    مُساهمة من طرف ذوق ونظرتي فوق في الثلاثاء يونيو 08, 2010 2:55 am

    قصيدة كتبها واحد متعقد من المكياج تقول :





    يا صانع المكياج الله يجازيك
    خليتني مخدوع في شكل خلي

    الله يحرق مصنعك مع مبانيك
    والمعرض الموجود في بيكاديلي

    ادعي عسى تعمى وتنشل رجليك
    هذا دعائي دوم لا جيت أصلي

    خليتني اركض ورا البنت هاذيك
    واشوفها أجمل غرام ٍ حصل لي

    قلبي عشقها يا(جيفنشي) توماتيك
    وان شافها قلبي يرحب يهلي

    هي رحبت بي وقالت الله يحييك
    وقالت هلا باللي عشق زين شكلي

    وقالت أنا أجمل بنت في اللي حواليك
    شف حسني الأخاذ وروجي العسلّي

    طالعتها ثم قلت هالقلب يبغيك
    ومن شاف حسنك خلى غيرك يولي


    ابغي اشوفك دون مكياج يكسيك
    وابغي اشوفك بالجمال المحلي

    قالت تبيني افرك الوجه تفريك
    واشيل هالبودر وروجي وكحلي

    قلت أي نعم قومي عسى الروح تفديك
    ابغي جمالك هالطبيعي يهلّي


    قالت دقايق راجعه لك واراويك
    ذاك الجمال اللي لعينك يسلّي

    ويوم رجعت لي شربكتني الشرابيك
    وحسيت الأرض تدور وأنا بمحلي

    الخد كنه يا(جيفنشي) سيراميك
    والوجه شارع مثل شارع حولي

    الوجه كنه بيت كله شبابيك
    من هالحفر في وجهها اللي يعلّي

    كله سبب مكياجك الله يجازيك
    خليتني مخدوع في شكل خلي

    ونصيحتي لكل شاب من غير تشكيك
    لالا اتسرع ثم تنغش مثلي

    اللي بلا مكياج خلها حواليك
    واللي تحط مكياج ...خلها تولي



    هههههههههههههههههههههه
    لا تنسون الردود

    تحياااتي
    avatar
    حنان القلب
    مشرفة قسم مملكه حواء ~
    مشرفة قسم مملكه حواء ~

    عدد المساهمات : 91
    تاريخ التسجيل : 25/05/2010
    الموقع : البحـــــــــرين

    رد: قصيدة كتبها واحد متعقد من المكياج

    مُساهمة من طرف حنان القلب في الخميس يونيو 10, 2010 10:39 am

    هههههههههههههههههههههه

    متعقد من قلب .

    يعطيج العافيه قلب ..


    ______________________________



      الوقت/التاريخ الآن هو الأربعاء سبتمبر 20, 2017 8:50 am