منتديات تدلل ياقلبي

وناسه - حوار - قصص وروايات - شعر- خواطر- فرفشه وضحك - الازياء والمكياج - نقاش- صور- اسلاميات - الصحه - والرياضه وكل مايخطر في بالك..


    يامدلعه

    شاطر
    avatar
    عاشــــــقF
    مشرف قسم خلجات الروح ~
    مشرف قسم خلجات الروح ~

    عدد المساهمات : 16
    تاريخ التسجيل : 29/05/2010
    العمر : 25

    يامدلعه

    مُساهمة من طرف عاشــــــقF في الجمعة يونيو 04, 2010 4:05 pm

    <<يامدلعة>>




    يامدلعه لاتدعين الضيق وأنتي في سعه...
    الضيق للي ما إتسع له صدر محبوبه لا ضاق...
    القلب نـفسه عند متبهــذل وعند مدلعه...
    الفرق في صدق المشاعر والأحاسيس الرقاق...
    الله .. ياكم لي وأنا منك الوفاق أستطلعه...
    والحين لا أنتي ولا قلبك ولا حتى الوفاق...
    آخر حكاية حب .. وأول جرح كنت أتوقعه...
    إلي برواق تحبني .. تقدر تفارقني برواق ...
    إحساسك أصلا ما يناسبني وأنا ما أنـفعه...
    مادام لي مبدأ .. ولك نيه تبيعين الرفاق...
    الناس قالت من يبيعك وإشترى غيرك بعه...
    لا تلحق اللي منك ما يستاهل أسباب اللحاق...
    إخترت أموت ولا يقولون الخلايـق إمعه...
    وإخترت أفارق والصدق .. ياكره كرهي للفراق...
    أصبحت مثل اللي يدور للجهات الاربعه...
    راح الجهات الاربعه ولا زال في نفس النطاق...
    المشكله وده يفضفض .. بس كلن يصفعه...
    من وين ما وجه بوجهه للأسف يلقى طراق...
    الحزن يجتاحه وشكل في حياته زوبعه...
    وإحساسه بإهمال الجميع يضاهي إحساس المعاق...
    الظاهر إن الناس في قلب المواجع مبدعه...
    والظاهر إني صرت ممن لايطيق ولا يطاق...
    الحب .. من ذا اللي يقول : الحب دنيا ممتعه...
    في ذمتي مايقولها لو كان مما ذقت .. ذاق...
    إن شاف نفس اللي أشوف وماسمعته يسمعه...
    يختار له نار الفراق .. ولا يجي جنة عناق...
    العاشق اللي مامعه غير إنتفاضة مدمعه...
    الله يكون بعون قلبه .. واحتراقه .. إحتراق...
    إن جيت تلقى حالته حاله .. وشبه مضيعه...
    أحيان يتنفس ولكن أغلب الحال .. إختناق...
    إنهد حيله .. وإنجرح .. وإحتاس في هالمعمعه...
    محتار مايدري على ويش الزعل والإنشقاق...
    إنصب تفكيره على (ماذا وراء الأقنعه)؟؟؟...
    مسكين كان آخر ضحيه للخيانه والنفاق...
    ألحين .. ياضده تكون الناس .. وإلا .. يامعه...
    مايعترف بالأوسطيه .. والثقه .. والإتفاق...
    أرثي لحاله عندما يكتب على الرمل إصبعه...
    (هذي نهاية مايسمونه.. محبه وإشتياق)...
    مجنون ليلى .. يتبع أهواءه وحنا نـتـبعه...
    يعني أنا وألآف غيري .. نندرج ضمن السياق...
    الصدق .. لو هم الرجال .. في كلمتين .. تقلعه...
    ماتمنعه أحيان كلمة (يبغض الله الطلاق)...
    السالفه أكبر من إنه يمتنع .. أو تمنعه ...
    مادامت الدعوه مصير إنسان مربوط بوثاق...
    إن حب .. حب الله يعينه .. والحشا متولعه...
    من وين ما قلبه يسوقه من ورى خشمه يساق...
    الود ودك لا وصل للوضع هاذا .. تقنعه...
    (مهما إستمر الحب .. يبقى آخر الحب .. إفتراق)...
    أكبر غلط لو شخص متبهذل يحب مدلعه...
    والأخت .. ماتقدر توسع خاطره لو يوم .. ضااااق...




    &&&&&&&&&&&&&&&&&&&&&&&&&&&&&&&&
    avatar
    ذوق ونظرتي فوق
    مشرفة قسم صحتك تهمنا~
    مشرفة قسم صحتك تهمنا~

    عدد المساهمات : 141
    تاريخ التسجيل : 25/05/2010
    العمر : 23

    رد: يامدلعه

    مُساهمة من طرف ذوق ونظرتي فوق في السبت يونيو 05, 2010 6:44 am

    هذا حال الدنيا


    الله يعطيك العافية


    ______________________________


    avatar
    ALmoOon<Hot choclate
    مشرفة قسم تشك تشاك صوره ~
    مشرفة قسم تشك تشاك صوره ~

    عدد المساهمات : 57
    تاريخ التسجيل : 29/05/2010
    العمر : 24
    الموقع : في قــــلـــــبهم

    رد: يامدلعه

    مُساهمة من طرف ALmoOon<Hot choclate في الأربعاء يونيو 16, 2010 11:49 am

    يعطيك العافيه
    ويسلموو
    وفالك أبيض


    ______________________________



      الوقت/التاريخ الآن هو الأربعاء سبتمبر 20, 2017 8:50 am